A nosa paixón polos instrumentos musicais tradicionais continúa xa coa 2ª xeración de mestres artesáns.
O que comezou fai moitos anos como un obradoiro tradicional de elaboración de gaitas galegas evolucionou nos últimos anos incorporando gaitas de boto, instrumentos de percusión (pandeiretas, pandeiras, pandeiros, bombos, tambores), requintas, dulzainas …
O interese pola investigación e a constante evolución e innovación nos nosos produtos leváronnos a repartir música por todo o mundo.
Tanto afamados músicos como escolas de iniciación confían na calidade dos nosos instrumentos, a nosa elaboración artesanal e experiencia.